பலபட்டடைச் சொக்கநாதப் புலவர்

இயற்றிய

அழகர் கிள்ளைவிடு தூது

23    செப தேசிகர்க்கு எல்லாம் தென்அரங்கர் நாமம்
        உபதேசமாக உரைப்பாய் - இபமுலையார்

24    சித்தம் களிகூரச் செவ்விதழில் ஆடவர்போல்
        முத்தம் கொடுக்க முகம் கோணாய் - நித்தம் அவர்

25    செவ்விதழ்உன் மூக்கால் சிவந்ததோ உன்மூக்கில்
        அவ்விதழின் சிவப்பு உண்டானதோ - செவ்வி இழந்து


26    அண்டருக்குத் தோற்றான் அடல்வேள் ஆநானைநீ
        கொண்டு இழுத்தால் ஆகும் குறைஉண்டோ - உண்டாக்கி

27    ஆயுவை நீட்ட அருந்தவத்தோர் பூரகம்செய்
        வாயுவைஉன் பின்னே வரவழைப்பாய் - தேயசு ஒளிர்

28    மைப்பிடிக்கும் வேல்கண் மலர்மாதும் சங்கரியும்
        கைப்பிடிக்க நீ வங்கணம் பிடித்தாய் - மெய்ப்பிடிக்கும்

29    பச்சை நிறம் அச்சுதற்கும் பார்ப்பதிக்கும் மூன்றனக்கும்
        இச்சைபெற வந்தவிதம் எந்தவிதம் - மெச்சும்

30    குருகே உன் நாக்குத்தான் கூழை நாக்கு ஆனது
        அரி கீர்த்தனத்தினால் அன்றோ - தெரிவையர்கள்

31    ஆர்த்த விரல் உன்முகம் ஒப்பாகையாலே கையைப்
        பார்த்து முகம்அதனைப் பார்என்பார் - சீர்த்திக்

32    கிரிகையிலே காணுங்கால் கிள்ளை அடையாத
        பெரியதனம் வீண்அன்றோ பேசாய் - தெரியும்கால்

33    தேறுகனி காவேரி சிந்து கோதாவிரியும்
        வீறுபெறுமே நீ விரும்பினால் - கூறில் அனம்

34    உன்னுடைய ஊண்அன்றோ ஊதப் பறந்துபோம்
        சின்ன வடிவன்றோ செழும்குயிலும் - என்னே

35    முதுவண்டு இனந்தான் முடிச்சு அவிழ்த்தாலும்
        மதுஉண்டாற் பின்னை வாயுண்டோ - எதிரும்

36    கரும்புறா வார்த்தை கசப்பென்று சொல்ல
        வரும் புறாவுக்கும் ஒரு வாயோ - விரும்புமயில்

37    உற்ற பிணிமுகமே உன்போல் சுகரூபம்
        பெற்ற பறவை பிறவுண்டோ - கற்று அறியும்

38    கல்வியும் கேள்வியும் நீ கைக்கொண்டாய் சாரிகைக்குள்
        செல்வம் அதில் அள்ளித் தெளித்தாயோ - சொல் வேதம்

39    என் பரி நாலுக்கும் விதி சாரதி வில்வேள்
        தன் பரியே உனக்குச் சாரதியார் - வன்போரில்

40    மேவுஞ் சிவன் விழியால் வேள்கருகி நாண்கருகிக்
        கூவும் பெரிய குயில்கருகிப் - பாவம்போல்

41    நின்று மறுப்பாடுநாள் நீதான நடுப்படையில்
        சென்று மறுப்படாதே வந்தாய் - என்று மாக்

42    காய்க்கும் கனிஅல்லால் காய்பூ என்றால் நாக்கும்
        மூக்கு மறுப்பாய் முகம் பாராய் - ஆக்கம்

43    வரையாமல் நன்மை வரத்தினை நல்கும்
        அரிதாளை நீ விட்டு அகலாய் - இருகை

44    உனக்குஇல்லை உன்சிறகு இரண்டும் எனக்கில்லை
        எனக்கும் உனக்கும் பேதம் ஈதே - மனைக்குள்

45    இதமாய் மனிதருடையனே பழகுவாய் அன்பு
        அதனால் முறையிட்டு அழைப்பாய் - மது உண்டு

46    அளிப்பிள்ளை வாய்குழறும் ஆம்பரத்தில்ரேறிக்
        களிப்பிள்ளைப் பூங்குயிலும் கத்தும் - கிளிப்பிள்ளை

47    சொன்னத்தைச் சொல்லுமென்று சொல்லப் பெயர் கொண்டாய்
        பின் அத்தைப் போலும் ஒரு பேறுண்டோ - அன்னம் இன்றிப்

---

---

---

இணைய பக்க முகவரி: http://www.chennailibrary.com/mis/azhagarviduthoothu2.html

---

© 2006 சென்னைநூலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்