அத்திஅணி யால்அம் பரவதின்மைக் கண்டத்தால்
ஒத்திறைவன் ஆகும்வெள்ளி ஓங்கலே - பத்தித்
துறைமருவும் தீரத்தார் சோர்வறுக்கும் கொன்றை
நறை மருஉந் தீரத்தார் நாடு. 1

குளத்தடங்கண் வாய்த்துவரங் கொண்டல் படிஓதி
வளத்துமைநேர் வெள்ளி வரையே - சளத்தமயற்
போகமதிப் புன்குடிலர் பொன்றுநகை யொன்றுகொன்றை
நாகமதிப் புன்குடிலர் நாடு. 2

வாலிபம்மிக் கம்பரக்கண் மாதருக்கா வற்றருமால்
மேலிசைந்து மால்நிகர்க்கும் வெள்ளிவெற்பே - மால் இயைந்த
கொன்றைச் சடையார் குழகாவென் பார்ஏவு
ஒன்றைச் சடையார்தம் ஊர். 3

நால்வாயி னங்கலைமா னாமிசைபுல் ஆர்தலிற்பூ
மேல்வாழ்வான் ஒக்கும்உயர் வெள்ளிவெற்பே - போல்வார்இல்
மாதவத்தர் ஆரும் மருவும் திருமறையின்
போதஅத்தர் ஆகும் புகல். 4

வாஞ்சித்த சித்திபுத்தி வல்லவையோர் தோய்ந்துசுக
மீஞ்சித்தஞ் செய்கரிநேர் வெள்ளிவெற்பே - காஞ்சி
உதிக்கும்மரன் றான்ஆகி ஓங்கிஅருள் ஞான
மதிக்குமரன் தாதை மருவு. 5

ஆறுமுகம் வேடர் அணிக்காதற் கொள்மயில் ஊர்
வேறுதையும் கந்தன்ஒக்கும் வெள்ளிவெற்பே - மாறு
பட்ட புரத் தானவரைப் பல்ஓர் நகையால்
அட்ட புரத்தான் அமர்வு. 6

தானவரை யங்கிளைக்கத் தண்டங்கண் டம்பரந்தோய்
வேனயக்கும் கையன்நிகர் வெள்ளிவெற்பே - ஞான அருட்
கற்புடையாள் வான்தலத்தைக் காத்தருள்சேய் நல்குமையாள்
தற்புடை யான்வான் தலம். 7

மாலணையுங் காமருவி வாரமிக்குப் பூவிழித்து
மேலமையும் பொன்நேரும் வெள்ளிவெற்பே - காலன்அகம்
சிந்தத் திருப்பத்தர் சீர்மார்க்கண் டன்கொள்அர
விந்தத் திருப்பதத்தர் வீடு. 8

கஞ்சத் தவளமொன்றிக் கானவரம் பைப்பெறலால்
விஞ்சக் கலைமானாம் வெள்ளிவெற்பே - வஞ்சத்து
இருப்பு மரன்நேர் இதயரும் முன்எய்திற்
றிருப்பும் அரன்நேர் செறிவு. 9

வெள்வா ரணம்கருமை மேற்கொண் டெறிந்துவைரம்
விள்வா சவன்கடுக்கும் வெள்ளிவெற்பே - உள்வார்
இடர்அகல நீற்றும் உமையாளின் கொங்கை
படர்அகல நீற்றுவார் பற்று. 10
வேழத் திருக்கைஅம்பு மீனத் துவசத்தின்
வீழ்அனங்க வேள்புரையும் வெள்ளிவெற்பே - மேழகத்தின்
வத்திரத்தல் நந்தரக்கி மெய்த்துணைஆ னாரைக்கொல்
சத்திரத்தன் அத்தர்அமை சார்வு. 11

ஆறுபடிந் தினனேர்அம் பிறைந்துண்டாந் தரத்தால்
வீறும்அந்த ணர்க்கடுக்கும் வெள்ளிவெற்பே- சீறு
அரவப் பணித்தார் அகலத் துமையாள்
விரவப் பணித்தார்அம் வீடு. 12

தானக்கை வாய்த்திரட்சித் தண்டம் பலசமைந்து
வேணற்கை வேந்தர்ஒக்கும் வெள்ளிவெற்பே - மீனத்
துவசத்தன் அங்கண் தொலைய விழித்த
தவசத்தன் அங்குஅண் தலம். 13

பத்திப் பொருள்ஏற்று பாசமுற்ற வீத்தொளியுள்
வித்திசைசால் வைசியர் நேர் வெள்ளிவெற்பே - மொய்த்த
பார்உரிமை வேடர் பரிவால் அமையானை
ஈர்உரிமை வேடர் இடம். 14

வேளாண்மை கண்டுகளி மிக்குப் புலவர்கலி
மீளா தருள்வார்நேர் வெள்ளிவெற்பே - நீளாமுடி
பத்துத் தரித்தான் பவிசழித்தான் மேற்கருணை
வைத்துத் தரித்தான் பதிவு. 15

நன்றமிழ்த நாவமைந்து நாகவரம் பைக்கனியை
மென்றளிதோ யும்புலவர் வெள்ளிவெற்பே - ஒன்றசலம்
தூக்கும் கொடியன்அகம் சோரவிரல் ஊன்றியசே
ஆக்கும் கொடியன் அகம். 16

வேடுவரங்க கங்கதிர்கால் வேழமொரு வக்கணையில்
வீடுறுத்தும் வள்ளிஒக்கும் வெள்ளிவெற்பே - கூடற்
பதிக்கா வலன்புடையார் பார்க்கஅடி கொண்டாள்
துதிக்கா வல்அன்புடையார் தோய்வு. 17

ஈரப் படர்ச்சியின்முன் எய்தவர்க்கு வான்தரலில்
வீரர்க் கிணைஆகும் வெள்ளிவெற்பே - ஊரற்குச்
சந்தாயும் மானார் தணியாச் சினம்தவிர்த்த
நந்தாயும் ஆனார்தம் நாடு. 18

மாறா நிலையாற்கண் மாரியினாற் றொண்டகத்தால்
வீறார்நா வுக்கரசேய் வெள்ளிவெற்பே - கூறார்
மதிக்கோடீ ரத்தளகவான் வண்ணம்உணர் வித்தென்
விதிக்கோள்தீ ரத்தகைவான் வீடு. 19
முத்தியற்பந் தற்கணிலாய் முத்தியற்பந் தர்க்கருள்மாண்
மெத்தியற்சம் பந்தன்நிகர் வெள்ளிவெற்பே - சத்திக்கு
இடப்பால் அளித்தார் இயன்மறைகட் கெட்டாக்
கடப்பா லளித்தாரன் காப்பு. 20

மாணிக்க வாசகத்தின் மன்னிரண மாற்றிடலின்
மீள்நிலைநீர் வாசகன்நேர் வெள்ளிவெற்பே - பாணித்தே
யாகும் பரசு கத்தர்; ஆர்வம்மலி தொண்டர்மனம்
ஆகும் பரசுகத்தர் ஆர்வு. 21

நாவல்அர சாய்இருமோ னங்கையர்ஆகம் பொருந்தி
மேவழிகாற் சுந்தரன்ஆம் வெள்ளிவெற்பே - கா அகத்தர்
துக்கம் இகஅயில்வான் தோன்றல்அளித் தார்கலிநஞ்சு
ஒக்கமிக அயில்வான் ஊர். 22

வானத் தமைவால்விண் மாதர்உவந் தாடலினால்
மீனத் தலைத்தடம்நேர் வெள்ளிவெற்பே - கான
மறையோன் சிரத்தை மருள்அறச்சே தித்த
நிறையோன் சிரத்தை நிலை. 23

வானரங்கு லாய்விடர்க்குள் வாய்ப்பவளம் ஆரநல்கி
வேனரமா தர்க்கிணைஆம் வெள்ளிவெற்பே - ஈனர்
இகத்திருப்பு மையல் இதயமு ம்வ ரிற்றாட்
புகத்திருப்பும் ஐயன் புகல். 24

செய்யுள் மிகுத்தெழுந்து சீர்க்கலைமா னாட்டமுற்று
மெய்உள் புலவர்நிகர் வெள்ளிவெற்பே - பொய்உலகிற்
தாம்மசரம் அன்னர் தம்முள் உணர்வரிய
நேமசக மன்னர் நிலை. 25

பூத்தண் டலையகலப் பொற்பாரங் காட்டியமை
மேய்த்தண்கடல் புரையும் வெள்ளிவெற்பே - காத்தலம் சார்
உம்பர்அமு சுற்றலைவ தோவவிடம் உண்டருளும்
நம்பர்; அமு தற்றலைவன் நாடு. 26

அம்மை இடம்பெற் றமைவா னரங்குதித்து
மெய்ம்மைநட ராசனிகர் வெள்ளிவெற்பே - அம்மை
அலைக்கங்கை தம்தாரம் ஆக்கி உமைஅ
மலைக்கங்கை தந்தார்அம் வாழ்வு. 27

சத்தவிசைப் பாடலத்திற் சாரிரத மூர்ந்தொளிக்கும்
வித்தகமார் பானு ஒக்கும் வெள்ளிவெற்பே - நித்தம்
வழுத்தைத் தவிரா அடியர்க்கு வேதன்
எழுத்தைத் தவிரான் இடம். 28

பன்னாறங் கத்தினொளிப் பாவையர்க்கின் பந்தரலின்
மின்னார் சசியைஒக்கும் வெள்ளிவெற்பே - கொன்ஆர்வை
வேல்அம்கை ஏற்றான் வியன்தாதை வேதன்க
பாலம்கை ஏற்றான் பதி. 29

கோவளம்கா ராமணிகள் கொள்கடலை எள்வளத்தால்
மேவரிசால் முல்லைஒக்கும் வெள்ளிவெற்பே - நாவரசென்
மெய்த்தாண் டகம்புகல்சீர் வித்தகரை அன்பாழி
உய்த்தாண் டகம்புகலான் ஊர். 30

---

---